A NOSA CLASE DE LATÍN

Resumo de "55 mentiras sobre a lingua galega"

2010-02-08T00:33:00.001+01:00

O pasado venres presentouse a nivel mundial o libro "55 mentiras sobre a lingua galega". Deixamos aquí unha presentación, amablemente cedida por A profa, que resume as ideas principais dun libro que realmente non ten desperdicio.

Prolingua 20 Mentiras sobre a lingua galega (2010)

View more presentations from A profa .

PAREMOS O DECRETAZO CONTRA O GALEGO

2010-01-19T00:55:00.005+01:00

A plataforma Queremos Galego convoca as comunidades educativas para un paro xeral no ensino o 21 de xaneiro, como contestación ao decretazo contra o galego.

A agresión é histórica, sen dúbidas a máis forte contra o idioma propio en toda a etapa democrática. Por iso é tan importante que nos impliquemos todas as persoas con sensibilidade pola nosa cultura, independentemente da lingua que falemos no día a día, para facermos do 21 de xaneiro unha data tamén histórica na contestación social.

Por que rexeitamos este decretazo?

1) Porque non garante que os estudantes finalicen cada etapa educativa coas destrezas lingüísticas tamén en galego.Todos os informes oficiais sinalan que hai un problema para conseguir que boa parte dos rapaces e das rapazas, sobre todo nas zonas urbanas, teñan fluidez comunicativa en galego. Diminuír a presenza da nosa lingua non fará máis que agravar a situación, vulnerando o dereito do alumnado a unha educación de calidade e pondo en perigo a pervivencia da nosa cultura.

2) Porque é unha proposta feita de costas á sociedade galega.O presidente da Xunta sabe que non conta con ningún consenso do profesorado, o estudantado, as familias e da sociedade en xeral para este decretazo. Por iso o presentou na véspera de fin de ano, a última hora do serán, e sen que existise ningún proceso previo de diálogo nin contraste.

3) Porque a aplicación deste decreto suporá enfrontamentos nos centros.A Xunta fai deixadez das súas funcións e traslada o problema ao profesorado, ao estudantado e ás familias, que serán parcialmente consultadas (ben tendo en conta só o criterio da maioría, sen que se saiba que pasará coa minoría que se sinta perdedora; ben dando unha opinión cada catro anos, o que significa que uns pais darán a súa consideración sobre a educación das fillas e dos fillos doutros). A política lingüística e educativa non se pode limitar á opinión que poida ter a comunidade escolar, porque nos corresponde a todas as galegas e a todos os galegos. Hai que ter presentes criterios pedagóxicos e o dereito a unha educación en igualdade.

4) Porque a Xunta se burla da cidadanía cando di que se vai impartir un terzo das materias en inglés, cando sabe que iso é totalmente inviábel, e sen se preocupar do fracaso escolar.O presidente da Xunta mente conscientemente cando fala de “plurilingüismo”, pois sabe que iso é imposíbel de aplicar. Só utiliza o inglés para camuflar propagandisticamente o ataque contra o galego. Na verdade, os departamento de inglés non teñen un reforzo real para mellorar a aprendizaxe desta lingua e mesmo se recortan os recursos para a formación do profesorado e se reduce o número de profesores/as das escolas oficiais de idiomas. O reforzo e mellora do ensino de inglés no sistema educativo galego debe facerse con máis profesorado específico, con máis recursos e con grupos máis reducidos.

5) Porque este decreto vulnera leis básicas aprobadas por consenso e tratados internacionais de dereitos lingüísticos.O decreto que o Goberno galego quere impor unilateralmente vulnera a letra e o espírito da Lei de normalización lingüística (arts. 12 e 13), así como da Carta europea de linguas rexionais ou minoritarias (art. 8). Un goberno serio, cívico e responsábel cumpre as leis e os tratados internacionais de dereitos humanos e de dereitos lingüísticos.

6) Porque é unha agresión á dignidade da nosa cultura que haxa un goberno da Xunta que ande ás patadas coa lingua propia do noso país.Temos que erguer a nosa voz con claridade e exclamar que, independentemente do idioma que falemos no noso día a día, os galegos e as galegas amamos a nosa lingua propia e queremos que non haxa políticas para discriminala, senón ao contrario: que se promova nos diferentes ámbitos, garantindo a igualdade de dereitos.

Fronte á imposición unilateral de Alberto Núñez Feijóo, as comunidades educativas e o conxunto da sociedade galega reclamamos que se escoite a nosa voz. O presidente da Xunta debería lembrar que o decreto aínda en vigor contou co respaldo dos sindicatos que representan ao 90% do profesorado, a inmensa maioría das ANPAs, todas as organizacións estudantís e todos os movementos de renovación pedagóxica con actuación en Galiza. O seu decreto contra o galego, ao contrario, non xera máis que rexeitamento e preocupación.

O 21 DE XANEIRO PARAMOS O ENSINOEN DEFENSA DA CONVIVENCIA E DO GALEGO

MANIFESTACIÓN NACIONAL EN SANTIAGO DE COMPOSTELA11.30 DA MAÑÁ NA ALAMEDA

Novidades curso 2009-2010

2009-11-29T18:01:00.004+01:00

Estimadas alumnas do segundo curso de bacharelato: non tiña pensado retomar este blog, á espera da nova web do insti, pero non temos máis remedio que continuar colgando os contidos no blog. NA BARRA LATERAL, atoparedes a sección Aula Virtual, na que podedes SEGUIR EN DIRECTO OS APUNTES de sintaxe e morfoloxía que imos dando na clase. Xa non hai excusas para a perda de apuntes.

Ademais de poder estudar dende o blog, podedea acompañarvos dunha suave música que está á vosa disposición no novo Mixpod da barra lateral. Se tedes algunha suxestión musical, xa sabedes: traédea en mp3 e colgámola no blog. A DISFRUTAR ESTUDANDO.

En resposta a un comentario anterior. Selectividade

2009-06-15T14:03:00.002+02:00

Efectivamente "no está el horno para bollos", e menos para liarse a estas alturas.

Imos ver: Non confundades as lecturas cos temas de literatura, pois entran dentro de cuestións distintas de selectividade. Os temas de literatura entran todos. Épica (Virxilio), Lírica (Horacio), Comedia (Plauto), Oratoria (Cicerón) e Historia (Tito Livio). Todos estes temas foron vistos en clase, de todos tedes as fotocopias (algúns tamén están na aula virtual), e do único que non vos examinastes (previo acordo) foi Tito Livio, pero deixamos ben claro que era materia de selectividade e quedou visto e explicado en clase. Creo que vos estades liando polos nervos, e iso que explicamos vinte mil veces como era o exame de selectividade, deixeivos os enlaces para lembralo en entradas anteriores e dende principio de curso tedes o enlace da selectividade na barra lateral. UNHA TILA? Sorte e xustiza.

Máis sobre a selectividade

2009-06-10T18:52:00.002+02:00

Preguntades acerca do que poden preguntar sobre as lecturas propostas. A verdade é que é unha incógnita, posto que nunca houbo un exame que as incluise. Só temos como referencia a proposta de exame que ven nos enlaces que xa vos teño proporcionado, onde unicamente plantexan dúas cuestións para escoller unha (unha de Golfus de Roma e outra acerca de Anfitrion). Estando así as cousas, tranquis. Tedes que ler con atención os textos e tratar de ver neles as características dos temas estudados (por exemplo: os textos de Catulo, líricos, fan un percorrido pola relación entre catulo e Lesbia). A continuación, DON'T WORRY, pois as lecturas son UNHA das CATRO cuestións do apartado sobre o mundo clásico, e aquí só debedes CONTESTAR DÚAS, a escoller entre:

- As lecturas
- Sufixos latinos
- TOPONIMIA
-EXPRESIÓNS LATINAS (sabedes xa que escoller?)

Así que tedes de sobra onde escoller, pero adxúntovos un novo enlace á Wiki de Chironweb sobre a selectividade galega, onde veñen incluso guías didácticas das lecturas e de Golfus de Roma, ademais de todos os outros temas da selectividade.

Por último, RECOMENDO VIVAMENTE visitar o último enlace da entrada anterior, que repito aquí por se acaso, e que piquedes no apartado Criterios de corrección das PAAU de Xuño de 2008. Lede ben, porque explican como hai que facer os comentarios sintácticos (máis simples do que faciamos nas clases) e as análises. Tamén vos dará unha idea de como hai que contestar aos temas de literatura.

Selectividade: cabesiña e poucos nervos

2009-05-27T19:50:00.006+02:00

En resposta ao comentario de Xoan, quero enviarvos a todas/os unha mensaxe de tranquilidade. En primeiro lugar, Xoan, o que propós está ben, pero calquera repaso de gramática tería máis sentido se o fixeses repasando os textos xa feitos e fixándote nas cuestions de sintaxe que neles aparecen e que están comentadas. Lembrovos que hai algúns exemplos de textos analizados na barra lateral.

Por outra banda, e dado que vexo que non navegades moi ben polo apartado SELECTIVIDADE, envío o ENLACE DIRECTO Á PÁXINA ONDE SE EXPLICA O EXAME DE LATÍN. Outro ENLACE AO MODELO DE EXAME. E por último, desde ESTE ENLACE, se picades en CRITERIOS DE CORRECCIÓN, XUÑO 2008, aínda que o modelo de exme de aí non sirva, si que ven no documento unha explicación de como se debe contestar aos exames.

Ademáis, non esquezades facer algún texto novo que resolveremos os días que queirades. Estou sempre aquí.

Novos recursos para segundo bacharelato.

2009-04-22T10:11:00.003+02:00

Na barra lateral, no apartado "Estudamos latín", tedes un enlace directo aos textos de Fedro, outro á Latin Library (biblioteca de autores latinos) e un adicado á literatura latina. Espero que vos sirvan para complementar a vosa preparación de cara a selectividade.E de regalo deixovos unha foto moi romana, anticipo do que vai vir.

Petición popular

2009-03-07T21:01:00.003+01:00

Atendendo á vosa solicitude, ídevos preparando para os repasos do luns e martes: sistema verbal, participios, infinitivos, pronomes, oracións de infinitivo, participio absoluto e concertado, oración de relativo, oracións subordinadas circunstanciais... Alguén da máis?

Vídeos da Antiga Roma

2009-02-26T23:39:00.000+01:00

Viaxe a Roma III. Panteón de Agripa

2009-02-24T22:22:00.006+01:00

No ano 27 a.C., o xenro e conselleiro de Augusto, Marco Vepsanio AGRIPA, fixo construír este templo que adicou a tódolos deuses do Olimpo, principalmente a Marte e Venus, protectores da familia Xulia (Agripa estaba casado con Xulia, filla de Augusto) Chamóuselle Pantheon, palabra grega que significa "DE TÓDOLOS DEUSES"

Sabemos que este non é o templo orixinal, que era rectangular e foi destruído por un incendio, senón que se trata dunha reconstrucción da época de Adriano

O seu nome non aparece nas inscripcións debido a que este emperador rexeitaba que o seu nome figurase nas obras levadas a cabo baixo o seu mandato. Pero as marcas de fábrica atopadas nos ladrillos corresponden aos anos 123–125, o que permite supoñer que o templo foi inaugurado polo emperador durante a súa estancia na capital entre 125 e 128. Aínda que non se sabe con certeza quen foi o arquitecto, o proxecto atribúeselle a Apolodoro de Damasco.

O edificio quedou composto por unha columnata a modo de pronaos, unha amplia cella redonda e unha estrutura prismática intermedia. A gran pronaos e a estrutura de unión coa cella ocuparon por completo o espazo do templo anterior, mentras que a rotonda foi construida sobre o espazo da praza augustea que separaba o panteón da basílica de Neptuno.

As dezaseis columnas da pronaos son monolíticas e de granito exipcio, no arquitrabe hoxe hai unha letras modernas, pero que ocupan os ocos que deixaron as antigas, de bronce, e coa inscripción M.AGRIPA L.F. COS. TERTIUM FECIT (Marco Agripa, Fillo de Lucio, Consul por Terceira vez, Fíxoo)

O que máis chama a atención é esa estrutura circular da cella, de 43,3 metros de diámetro, o mesmo que a altura máxima do edificio, polo que dentro podería albergarse unha gran esfera. Esa estrutura cilíndrica está rematada por unha gran bóveda hemisférica. Dise que a cúpula da Basílica de San pedro fíxose algo máis pequena por respeto a esta.A cúpula está aberta no alto cun gran orificio de 9 metros de diámetro, polo que entra a luz e tamén... a chuvia. Podedes consultar detalles técnicos da construcción no blog amigo INICIARTE.

É o primeiro caso de un templo pagano convertido ao culto cristiano. Por esta razón foi o único edificio da Antiga Roma que permaneceu intacto e en uso ininterrumpido. O edificio salvouse da destrucción a principio da Idade Media, porque xa en 608 o emperador bizantino Focas llo donou ao papa Bonifacio IV, que o transformou en igrexa cristiana (Santa María dos Mártires) dándolle un aniversario á festa de tódolos mártires (13 de maio), que máis tarde o papa Gregorio III converteu en festa de tódolos santos cambiando a data para o 1 de novembro en resposta ás celebracións paganas do Samaín no 31 de Outubro.

Como ocurría con outros edificios romanos, moitas das súas partes estaban revestidas en bronce (frontón, incripcións, casetóns interiores..) que desapareceu. Son diversas as opinións sobre a onde foi parar o bronce: para o baldaquín de Bernini o bronce do frontón por orde do papa Urbano VIII, para os canóns do Castell sant' Angelo...

Novos recursos

2009-02-24T00:49:00.003+01:00

Veño de poñer na barra lateral uns novos enlaces a páxinas con cadros-resumo de morfoloxía e sintaxe. Xa vos aviso que no que se refire a conxunción CUM contén erros, polo que nese caso fiádevos mellor pola presentación que hai na Aula Virtual.

O ritmo do hexámetro

2009-02-16T00:06:00.002+01:00

Temos explicado en clase que o ritmo da poesía latina tiña moito que ver coa música: as sucesións de longas e breves como se se tratase dunha partitura de negras e corcheas. A través do blog per tritam viam, cheganos agora a proba definitiva.

Musica para namorar

2009-02-12T20:36:00.004+01:00

Escoitade, na voz de Suso Vaamonde, este fermoso poema do poeta de Cangas Bernardino Graña, Como hei vivir mañán sin a luz túa? do libro Se o noso amor e os peixes

As bibliotecas escolares conspiran pola Paz

2009-01-30T01:45:00.003+01:00

PAZ?????????????
PAZ: PAM!. Balas. Confusión, asasinatos, bombas.
PAZ: PAF!. Golpes. Cambadelas da vida cotiá. Rancor. Violencia.
PAZ: PAZZZZZZZZZZZZZZZZZZZZZZZZZZZZZ. Soño. Sono indiferente da irresponsabilidade.
Non é un xogo. É a fraxilidade da palabra. Espello fiel da inestabilidade do seu significado.
Utopía imposíbel.
Palabra que xera poesía.
Poesía? Poesía e Paz.
Esta é a nosa proposta: un mundo reinado pola esperanza das palabras, palabras sublimes que permiten melodías, risos, soños... PAZ.
Xesto simbólico o das Bibliotecas Escolares, que novamente unen voces, azos e esperanzas. A través do mosaico que supón, por fin na nosa comunidade, a integración de diferentes cores, razas, linguas... chega a poesía capaz de expresar unha mesma arela. O frenesí da humanidade dominado pola forza da palabra. Unidos contra a ignominia da morte inxusta, das violacións das mulleres, da violencia extrema, da existencia dos nenos-soldado, da vinganza. Optamos polo silencio das palabras, da súa mudez. Porque a súa música festexe os días de coñecemento. Porque os aloumiños que desprenden estas balas sexan quen de recargar o porvir. Porque o nosos pentagramas debuxen as fusas non confusas da ilusión, do mañá cargado de bombas de papel. Papeis que falan de sorrisos, de amores, de xustizas. Papeis convertidos en poesía.
Hoxe, o noso alumnado, dende esas diferenzas que os converten en iguais, transfórmanse en trasnos portadores de equidade. Dende o pasado poético ao presente sonoro, ao futuro harmonioso.
Tanques de algodón
Armas de caramelo
O noso soño
O noso desexo
A nosa conspiración.

O “disparo” do IES Alexandre Bóveda

Outras potentes armas de exércitos aliados

Get your own - Open publication

Para visitar todas as conspiracións Blog da biblioteca do IES Alexandre Bóveda. Vigo.
O Segrel do Penedo. IES de Fene. Fene. A Coruña.
Mesturas. IES Sánchez Cantón. Pontevedra.
Bibliobelesar. CEIP de Belesar. Belesar. Pontevedra.
Biblioandrade CEIP de Andrade. Pontedeume. A Coruña.
Bemilladoiro. Biblioteca do Ceip. Milladoiro. Malpica. A Coruña .
Biblioteca Olhos Grandes IES Nosa Señora dos Ollos Grandes . Lugo
Biblioteca do CEIP de Pazos. CEIP de Pazos. Ferrol. A Coruña.
Biblioteca do cole. CEIP Quintela de Moaña. Pontevedra
Cadernos de Vide. Escola Unitaria de Vide. As Neves. Pontevedra.
Biblioteca Brea Segade. C.E.P. Xose Mª Brea Segade. Taragoña. Rianxo.
Biblioteca IES de Sanxenxo. Sanxenxo. Pontevedra.
Biblioteca IES R. O. do Uruguai. IES República O. do Uruguai. Vigo.
Biblioblogreboreda. Ceip Santo Paio de Abaixo, Reboreda. Pontevedra.
Biblioteca Colexio de Cervo. CEIP de Cervo. Lugo.
Bibliochispi. CEIP A Laxe-Marin. Pontevedra.
Participa tamén neste proxecto o blog Trafegando Ronseis

Onte, Hoxe

2009-01-19T01:38:00.003+01:00

Da man do blog amigo Mesturas chéganos esta presentación feita con imaxes que circulan pola rede asinadas por Rodolfo Walsh. Nihil novum sub sole

Si vis pacem, para pacem

2009-01-17T01:11:00.006+01:00

Dende a nosa clase estamos preparandonos para a paz a base de música e poesía, as nosas mellores armas.

Paz para Palestina

2009-01-14T23:46:00.006+01:00

Vía trafegandoronseis, o blog de Anxo Gracia, chéganos este vídeo.

Forum Romanum: Viaxe a Roma II

2009-01-11T20:57:00.008+01:00

O Foro Romano era a zona central en torno á que se desenvolveu a antiga Roma e na que tiñan lugar o comercio, os negocios, a prostitución, a relixión e a administración de xustiza. Situado entre o Palatino, o Capitolio e o Esquilino, o Val do Foro parece ser o centro das primeiras vivendas, pero debido ao paludismo e as inundacións do Tíber, non comezou a ser o verdadeiro centro da vida de Roma ata finais do século VI a. X.C., época na que foi saneado e ordenado. O saneamento atribúese por tradición á dinastía dos Tarquinios, coa construción da Cloaca Máxima, que desembocaba no Tíber.

En principio, a función do Foro era comercial, como proban a presenza de tendas e lugares para celebrar o mercado, pero axiña comezaron a xurdir templos nos seus arredores: templo de Vesta, santuario de Vulcano (Lapis Niger), templo de Saturno, de Cástor e Pólux, de Xano. A Vía Sacra, que percorre a praza ata o templo de Xúpiter no Capitolio, débelle o seu nome á cantidade de templos polos que pasaba e ás procesións que a percorrían.

Perto do Capitolio levantábase a Curia, sé do senado romano, e en frente a praza do Comicio, onde se votaban as leis e se elixían maxistrados, presidida pola Tribuna dos Rostra, que toma o seu nome dos mascaróns de proa (rostra) das naves capturadas na batalla de Anzio (338 a X.C.) cos que foi decorada. Dende esta tribuna o pobo escoitaba aos oradores e maxistrados, sumándolle á función comercial e relixiosa do Foro tamén a función política, que se acentúa coa construcción das primeiras basílicas (Porcia, Opimia, Sempronia) para a administración de xustiza e tribunais.

Aquí tiñan os seus despachos os maxistrados e avogados, por el desfilaban pompas fúnebres, recitábanse eloxios fúnebres dende os Rostra, facíanse sacrificiós aos deuses, celebrábanse banquetes públicos (César ofreceu un no ano 45 a. X.C. para 20000 comensales durante varios días) e ata a construcción do Coliseo facíanse combates de gladiadores, o máis famoso foi o que organizou César sendo edil no ano 65 a. X.C., no que participaron 320 parellas de gladiadores.

A ordenación monumental da praza comeza coa construción da Basílica Emilia (179 a X.C.) e o eixe de orientación definitivo quedou marcado polo edificio do Tabulario, sé do arquivo do estado, uns cen anos despois. Xulio César, co traslado da Curia e Comicio e coa construcción da Basílica Xulia, e Augusto, pechando o cuarto lado co Templo de César Divinizado, completaron a ordenación do foro.

Nos inicios do Imperio a praza estaba tan ocupada que se foi ensanchando ata o alto da Velia, onde se levantaría o Arco de Tito, que marca o límite do novo Foro (Forum adiectum). Esta unión do foro vello co novo chamóuselle Forum Magnum, o que hoxe coñecemos como Foro Romano.

Coa chegada do Imperio pérdense as liberdades da época republicana e o Foro perde a súa importancia como centro da vida política e a vida pública vaise desplazando aos novos e cercanos Foros Imperiais , máis amplios e funcionais. O vello Foro queda como praza monumental, pero os emperadores non a descuidaron e seguiron levantando monumentos. Deles consérvanse bastante ben o Templo de Antonino Pío, os Arcos de Tito e de Septimio Severo, o Templo de Rómulo, a Basílica de Maxencio. O último monumento que se levantou, no ano 608 d. X.C., foi unha columna honoraria que se conserva, a Columna de Focas, emperador do Imperio de Oriente.

Outro textiño, e vale xa por Nadal.

2008-12-26T18:01:00.010+01:00

Otón explícalles aos seus soldados os motivos polos que se vai suicidar.

Petentibus militibus, ne tam cito de belli desperaret eventu, cum tanti se non esse dixisset, ut propter eum bellum civile moveretur, voluntaria morte obiit tricesimo et octavo aetatis anno, nonagesimo et quinto imperii die.

NE depende de petentibus

Completiva de inf. TANTI...ESSE

TANTI xen. dependendo de verbo (esse), coñecido como xenitivo de precio ou estimación.

Neste textiño temos de todo, que máis se pode pedir? NE, UT, CUM, INF., xenitivo adverbal, participio (aparentemente absoluto, pero ollo...)

Textos de Eutropio para divertirse no Nadal

2008-12-21T21:35:00.008+01:00

Aí vai o primeiro texto, protestóns, que levo varios días cun gripazo...

Despois de Galba, Otón faise co poder. Axiña lle xurde un competidor polo poder, Vitelio.

Otho occiso Galba invasit imperium, materno genere nobilior quam paterno, neutro tamen obscuro. In privata vita mollis et Neroni familiaris, in imperio documentum sui non potuit ostendere. Nam cum isdem temporibus, quibus Otho Galbam occiderat, etiam Vitellius factus esset a Germanicianis exercitibus imperator, bello contra eum suscepto cum apud Betriacum in Italia levi proelio victus esset, ingentes tamen copias ad bellum haberet, sponte semet occidit.

Eu sonche Vitelio, e douvos uns consellos:

Poñede coidado na traducción das palabras familiaris e documentum
Hai dúas oracións de cum
Observade que ese TAMEN vai despois da oración de cum, realmente é unha conxunción adversativa que toma valor concesivo.

Expoñede as dúbidas en forma de comentario, e dende os comentarios teredes resposta.

Preparando a viaxe a Roma: O coliseo

2008-12-14T00:11:00.004+01:00

Do latín Colosseum, orixinalmente recibiu o nome de Anfiteatro Flavio, pois a súa construcción levouse a cabo baixo a dinastía Flavia. A obra comezou baixo Vespasiano (entre o 70 e 72 d.C.), inaugurouse baixo Tito no ano 80 d.C. e foi reformada polo seu irmán Domiciano. Foi o anfiteatro máis grande do Imperio Romano e tiña un aforo de 50.000 espectadores.

Utilizouse durante máis de 500 anos, e nel tiveron lugar as loitas de gladiadores (munera), pero tamén se celebraban naumaquias (recreacións de batallas navais, pero tal vez só nos primeiros anos, antes de construírse os sotos baixo a arena), caza de animais (venationes), recreación de batallas famosas, execucións (noxii) e representacións teatrais.

O auxe do cristianismo fixo que fosen abandonándose os actos máis sanguentos, de tal xeito que o último combate de gladiadores está documentado no ano 404 d. C., manténdose os sacrificios de animais ata o ano 523 d. C. Como curiosidade diremos que, segundo afirma o historiador Dión Casio, os festexos de inauguración duraron 100 días, ao longo dos cales se sacrificaron 5000 animais.

O coliseo veu sustituir ao primeiro gran anfiteatro de Roma, que estaba situado na Campo de Marte, e que fora construido en madeira no ano 29 a. C. por mandato do cónsul Estatilio Tauro. Este anfiteatro quedou destruido no famoso incendio de Roma do 64 d. C., baixo Nerón. Foi precisamente nos terreos da Domus Aurea neroniana (complexo pacego levantado por Nerón tralo incendio), no espacio chá que ocupaba o estanque de Nerón (stagnum Neronis), onde se levantou o Coliseo, unha actuación de Vespasiano enmarcada nun plan para restituir á facenda pública o roubado por Nerón.

Mr Bean entra na biblioteca

2008-12-09T23:12:00.001+01:00

Para perderlle o medo a internet

2008-12-03T23:24:00.002+01:00

Casas Romanas

2008-12-02T23:47:00.002+01:00

Botádelle un ollo a estes vídeos sobre as casas romanas.

Con vistas ao Nadal

2008-11-21T23:43:00.001+01:00

Send your own ElfYourself eCards

EUTROPIO NA BARRA LATERAL

2008-11-13T17:22:00.002+01:00

Xa está aquí. Xa podedes traducir todo e moito máis: temos todos os textos de Eutropio á vosa disposición na barra lateral, xusto debaixo da nosa aula virtual. Agora xa non valen excusas como "quedoume o texto na clase de música" ou "me lo robó un señor". De nada, queridos e doctos alumnos/as.

A dinastía Xulio-Claudia

2008-10-28T01:14:00.009+01:00

Para satisfacer a curiosidade de Juan, aí vai unha breve historia familiar:

A irmá de C. Xulio César, Xulia, casou con M. Atio Balbo e tiveron unha filla, Atia. Esta casou con C. Octavio e tiveron dous retoños: Octavio Augusto e Octavia.

Octavio casou moi novo con Claudia (Clodia Pulchrer), fillastra de Marco Antonio, da que se divorciou no 40 a. C. porque lle "resultaba molesta" . Deste xeito Augusto puido casar cunha viuva rica, Escribonia. O divorcio de Claudia enfureceu á súa mamá, Fulvia, esposa de M. Antonio, e tratou de indispoñer a este contra Augusto durante o triunvirato. Pero Fulvia morreu oportunamente e M. Antonio casou con Octavia, irmá de Augusto, sellando así unha paz momentánea.

A nova muller, Escribonia, era neta de Pompeo Magno e nai da que sería a única filla natural de Augusto, Xulia, coa que máis adiante casará Agripa, o famoso lugarteniente de Augusto.

No 39 Augusto divórciase de Escribonia para casar con Livia, que tivo que divorciarse á súa vez, pois estaba casada con Tiberio Claudio Nerón, o cal loitara no bando dos asasinos de César contra Augusto. Esta voda supón a salvación da familia. Livia xa tiña un fillo, o futuro emperador Tiberio, e estaba embarazada de Druso o Maior, de cuxo matrimonio con Antonia a Xoven, filla de Octavia e M. Antonio, vai nacer Xermánico.

Do matrimonio da primeira filla de Augusto, Xulia, con Agripa nace, entre outros, Agripina, que acabará casando con Xermánico. Desta parella tan grata para os romanos vai nacer un neno que recibirá o sobrenome de Calígula, cuxas bisavoas son as dúas mulleres de Augusto: Escribonia e Livia.

Outro irmán de Xermánico era Claudio, que chegará ao poder á morte de Calígula. Claudio, casou en terceiras nupcias con Agripina, sobriña del e filla de Xermánico, a cal consigue que este nomee herdeiro a un fillo que tiña dun matrimonio anterior, Nerón, por diante incluso de Británico, o fillo que Claudio tivera con Mesalina.

Recursos novos na barra lateral

2008-08-19T18:05:00.003+02:00

Temos en marcha esta poderosa ferramenta para estudiar e repasar o latín que aprendemos por cursos (ESTUDIAMOS LATÍN). Unha vez que ingresedes na páxina principal do proxecto Palladium, deberedes seleccionar a opción ALUMNADO, dentro dela escolledes a materia que queredes repasar e despois o tema. En cada tema hai recadro en JAVA para poder practicar exercicios. A ver quen é a primeira (ou primeiro). Ánimo, xa faltou máis e sei que o estades a pasar mal sen clase, pero así é a vida, de vez en cando tedes que coller vacacións.

POR PROBAR QUE NON SEXA

2008-06-19T01:33:00.002+02:00

Queridos alumnos/as. Creo que non vos foi mal neste curso de latín. Todos (os que fixestes exame) aprobados. Moi ben, pero hai que prepararse para o próximo curso. Este blog, que empecei como blog de probas, aspira ser para o próximo curso unha ferramenta ó voso servizo. A partir de agosto ireivos poñendo RECORDATORIOS, para que cheguedes frescos. Xa tedes na barra lateral algúns enlaces nos que curiosear. E ós que veñan novos a esta cousa vella que é o latín, meterémolos de cabeza no blog, chegando ó pasado a través do futuro (lembrade: -URUS, -URA, -URUM). Pasade unhas boas vacances.

No dudaría

2008-01-28T23:15:00.000+01:00

Para os meus alumnos no día da paz

Desinencias verbais

2008-01-22T00:20:00.000+01:00

Reto

2008-01-21T23:50:00.000+01:00

Alguén preguntaba nos comentarios: Para cando un verdadeiro reto en latín? Pois aquí tedes o primeiro:

Primae taxationis recuperatio a.d. IX Kal. Feb.

Lembrade: Tres primeiras declinacións (sustantivos e adxectivos), Presente e pret. imperfecto indicativo activo das catro conxugacións, enunciados nominais, declinación de sintagmas.

ATENCIÓN A: Sustantivo e adxectivo concordan en xénero, número e caso, NON EN DECLINACIÓN (non necesariamente)

2007-11-29T12:40:00.000+01:00

Empezamos forte: recórdovos que teremos os exames nos días 7 e 10 se non hai vaiaxe a Santiago, pero se o hai pasarán ós días 10 e 12